di Eduardo De Filippo - Pazzianno c’ ‘o suonno

(¯`*•.¸Momenti di VITA¸.•*´¯)
https://www.facebook.com/groups/227092510835355/

Il 5 gennaio 1960 a soli 10 anni la piccola Luisa De Filippo venne a mancare prematuramente lasciando un vuoto incolmabile nel fratello e nel padre.

Il maestro un'anno dopo scrisse questa stupenda poesia...

Pazzianno c’ ‘o suonno

Papà!

Sta voce soia,

forte e luntana.

Arriva fino a me,

zitta e vicina.

Papà!

Pè tutt’a casa

‘e notte,

dint’ ‘o scuro

corre p’ ‘e stanze

pè se fa sentì.

Papà!

Ve sarrà capitato pure a vvuie

‘e sta ancora scietato

quanno ‘o suonno pazzèa cu ll’uocchie vuoste

e se mbruscine

pè copp’ ‘a pelle

e nfronte

e ncopp’ ‘e bracce

‘e mmane

p’ ‘e spalle

e p’ ‘e capille…

E vvuie sapite

ca quann’isso pazzèa

sta cchiù scetato e vuie

pè ve piglià.

Comme facite vuie

facc’io c’ ‘o suonno.

M’ ‘o tengo amico,

già.

Pecché sapenne ‘o tipo,

cumm’ è cucciuto,

e cumm’è prepotente,

faccio avvedè

ca saccio ch’ è putente,

ca nun resisto a sti carezze soie…

Ma nun se fa fà scema,

‘o ssape

e aspetta.

Vence semp’ isso,

pecché sempe me piglia a tradimento.

Mentre ‘o suonno pazzèa

tanno

sta voce arriva:

Papà!

E io l’aspetto!

Ma nun vene ogni notte.

Si nun vene,

che pozzo fa?

Suonno, pienzece tu,

pazziàmmo nzieme,

ma senza pressa,

aspetta n’atu ppoco,

sempe tu vince,

‘o ssai,

ma primma o doppo

che male te pò fa?

Cumm’infatti, è venuta…

Forte e luntana,

arriva fino a me

zitta e vicina:

Papà!

di Eduardo De Filippo