https://www.facebook.com/groups/227092510835355/
Abbracciato cu tte
Quanno te veco
for' 'o balcone
mme vene a mente
cchisà pecchè
quanno 'e rimpetto
stevo 'o puntone
appuntunato pe te vede'. E mmo ca si dda mia pe tutta a vita
nun cerco niente cchiù, mo tengo a te.
Quando int' 'e bbraccia forte t'astregno a mme
sento 'o profumo da vocca toia che dè
na primmavera ca 'mbriaca 'o core
na smania e te vasà, chest' è ll 'amore.
Capille 'e seta, uocchie 'e velluto, tu,
si 'a vita mia, tu si ll'amore,
tu solamente tu.
Te voglio bbene,
songo felice
quando abbracciata
tu staie cu mme.
'O core 'mpietto
me parla e dice
ca sbatte forte
sulo pe tte.
Sunnanete me sceto 'a dint' 'o suonno
e canto 'o sole mio sta 'nfronte a tte.
Scritta dal principe Antonio De Curtis In arte Totò
Nessun commento:
Posta un commento