Napule mia di Nino Taranto

(¯`*•.¸Momenti di VITA¸.•*´¯)
https://www.facebook.com/groups/227092510835355/

Napule mia

Quanno tè guardo 'a copp ' 'a stu balcone me piglia tale 'na malincunia, ca' mme ricordo 'e quanno ero guaglione e tu ire ancora 'a 'nnammurata mia.

Allora, si, ca tu ire 'nnammurata è me, senza interesse e doppio fine.

T' accuntentave 'e quacche serenata

Ca te purtavo cu nu mandulino!...

Ire semplice, tutta sentimente.

Pe tte' nun esisteva ca sul' 'io

E guaie a chi parlava malamente 'e me. Dicive : È 'o nnammurato mio..

...'o voglio bbene overo, e cu ragione, pecchè isso me porta 'mpalmo 'e mano, pe' tutt' 'o munno, cu' tutt' 'a passione, cu 'o vero core 'e nu napulitano.

E mo', antrasatto, m'e vutat' 'a faccia.

Si e no, ogni tanto té ricuorde 'e me.

E io, senza 'o bbene tuoio, che me ne faccio?..

Che ne faccio cchiu', si perdo a tte?

Napule mia. Si a mmé cchiu' nun nce tiene, te cerco 'a grazia 'e nun mm' 'o dda' a capì.

Finge 'e vulerme ancora 'o stesso bbene.

Si nò, dannato tu me faie murì.

Nino Taranto
28-8-1907 23-2-1986