https://www.facebook.com/groups/227092510835355/
Quanno tu nun ce staje...
Si te voglio vedé
mme basta guardà 'ncielo sulamente:
quann' è vintiquatt' ore, appena sponta
p' 'o cielo 'a primma stella, veco a te!
Si te voglio sentì
basta ca chistu core, zitto e chiano, te chiamma e t'addimanna: mme vuo' bene?
Tu, doce doce, me rispunne: sì!
Si te voglio vasà
basta ca tengo stretta 'mmiez' 'e ddete 'na bella rosa 'e maggio vellutata:
vasannola me pare 'e te vasà.
Si te voglio penzà, 'nnammuratella mia, basta soltanto ca guard' 'o sole nun appena sponta:
tanno te penzo... E che felicità!
Scritta da Peppino De Filippo
Nessun commento:
Posta un commento