https://www.facebook.com/groups/227092510835355/
'E Femmene
'E femmene so' comme 'e stelle,
si te pierde l'hè 'a guardà.
Ce ne stanno a mille a mille.
Piccerelle, so' scintille,
ca pazzèano mmiezo 'o ffuoco
e pircio' nun 'e ppuo' acchiappa',
si ll'affierre 'e ffaie stutà .
Lass' 'e stà lass’ 'e vulà,
po' te cuoce, te faje male,
e cu cchi t' 'a vuò piglià?
Si sapisse comme é bello,
a vede' 'sti lampetelle,
ca se specchiano int' a ll'uocchie
'e chi 'e ssape accarezzà .
Una 'e lloro é 'a stella mia,
pecché quanno 'a notte è scura
e 'stu core s'appaura,
pare comme si 'a sentesse
che me dice; " Aize 'a capa, siente addore?
Guarda 'ncielo e staje sicuro,
tanto io stongo sempe ccà! "
Scritta da Vincenzo Salemme
Nessun commento:
Posta un commento