https://www.facebook.com/groups/227092510835355/
‘A piuma.
Anema mia te voglio mmesura’ cumma ll’antiche te metto ‘ncopp’’o piatto ‘e ‘na valanza e all’atu lato ce appojo ‘na bella piuma.
“A me ce miette?" Fa all’intrasatto ‘a piuma
E che te cride ‘e fa’ cu ‘sta sciuscella?
Cca p’aiza’ chesta mappata ‘e rrobba
nun t’abbastasse ‘na carriola ‘e prete!”
“Ave raggione” tra me e me penzaje
‘St’anema mia, tra turmiente e affanne
è addeventata almeno nu quintale!
Mo so’ guaglione e pesa ‘e ‘sta manera
figurete si ‘a peso tra trent’anne!
“He visto?” me dicette ‘a piuma lesta
ce staje penzanno 'a coppa, he fatto bbuono.
‘A pise o nunn ’a pise a che te serve?
Te l’he ‘a purta’, fattenne ‘na raggione!”
Nessun commento:
Posta un commento