Antonio De Curtis: Casa mia

(¯`*•.¸Momenti di VITA¸.•*´¯)
https://www.facebook.com/groups/227092510835355/

Casa mia

Dint'a sta casa mia

quanne ce stive tu

rignava l'allegria

surriso e giuventù .

'A che te ne si ghiuta,

nun ce resisto cchiù,

'sta casa è triste e muta

pecchè nce manche tu.

Aggio restate 'e cose

comme nce fusse tu

'sta casa è chiena 'e rose

ma tu... nun tuorne cchiù .

Rose d' 'a loggia mia,

profumo 'e giuventù,

mo pe 'sta pucundria

nun addurate cchiù .

Casa mia,

stammo purtanno 'o lutto tutt' 'e duie,

'ncore tenimmo 'na malincunia

cumm' 'a 'sta brutta freva ca nce struie

e lentamente nce farrà murì.

Casa mia,

comm'era bello quanno 'a voce soia,

spanneva dint'a ll'aria n'armunia,

'sta gioia era da mia, ma pure 'a toia,

gioia ca nun putimmo cchiù sentì.

Scritta dal principe Antonio De Curtis In arte Totò