'O core mio

(¯`*•.¸Momenti di VITA¸.•*´¯)
https://www.facebook.com/groups/227092510835355/

'O core mio

Corre, sbatte s’affanna,

corr’ancora, pò torna a se fermà.

Quanne soffre accussì dice ‘o dottore,

ca si malate ‘e core.

Quand’esce sta sentenza

si faie ‘o musse stuorte peggio è pe’ té.

Più t’emozioni, più senti chella sofferenza,

più ne subirai le consequenze.

Ci vuole calma,

prepararsi a murì, senza speranza.

E allora te rassigne, pò t’ammalincunisce,

te pare n’ingiustizia, e t’addimanne: pecché? Pecché aveva capità propio a me?

Pò aspiette, mentre ‘o core sbatte,

corre, se torna a fermà, po’ sbatte ancora.

Nu iuorne però, dopo diec’anne,

stu core s’ è calmato, nun corre cchiù.

Curreva, se sbatteva,

pecché aveva bisogno ‘e stu duttore.

L’ ha truvate e s’ è calmate.

Povero core!

Mo tene chi l’ addorme, e lle fa ‘a guardia, cumme si cantasse ‘a canzone

che cantava mamma mia,

cagnannele ‘e parole:

Nonna, nonna, nonna nunnarella,

‘o lupo nun s’ a mangiata ‘ a pecurella…

Dottò se voi mi consigliate,

e cantate sempre a nonna

a stu core cu ‘e parole cagnate,

cient’ anne camparraggio!

Ma si m’abbandunate allora sentarraggio,

da na luntana via, na voce,

ca certamente è chella ‘ e mamma mia,

cantà vicino a me:

Nonna, nonna, nonna nunnarella,

‘o lupo s’à mangiata a pecurella!.

Scritta da Titina De Filippo