Nun me tuccate Napule Faciteme ‘o favore

(¯`*•.¸Momenti di VITA¸.•*´¯)
https://www.facebook.com/groups/227092510835355/

Nun me tuccate Napule Faciteme ‘o favore, e nun cuntate stroppole dicenno ca è folklore!

Nun tormentate Napule Cu ll’aria e chi disprezza

Chi campa dint’è vicule

E ‘a vita l’apprezza!

Nun affliggite Napule Cantanno litanie: morte, miseria ‘e popolo e ciento malatie!

Nun criticate Napule Pe’ vvia d’è panne spase… Comm’è addu vuie nun làvano?

Che vvè mettite ‘nfuse?

Nun disprezzate Napule Si ‘o mare s’è inquinato: né cozzeche, né vongole ce l’hanno avvelenato!

Ogne rifiuto ‘e fabbrica, ca s’è industrializzata, ‘a mmare mò se scarreca

E ‘a colpa ‘a danno all’ate.

Ce sta chi ha fatto ‘a critica Pè ‘ffino d’ ’a Canzone Dicenno:

nun è artistica !

E' stata nu bidone!

Tutt'è canzone 'e Napule sò appena canzonette

Gente comm'a Di Giacomo screveva barzellette...

Se scrive male ‘e Napule Pè ffà denare e basta… Però so troppe ll’uommene Fatte cu chesta pasta.

Saccio ca pure all’Estero Ce stà gente ‘int’e vasce; perciò cagnate musica! Jettate ‘sti grancasce!

C’è stato maie nu popolo, Città, nu Continente Addò se campa facile

E nun succede niente?

Certo ca no!

E scrivetelo!

Facite nu Cungresso!

Parlate!

Cunfessatelo Ca ‘o munno è tutto ‘o stesso!

Progresso Tecnologico?

È certo, ce fa onore: s’industrializza l’anema.. se meccanizza ‘o core…!

Però Napule… è Napule!

E ‘o Sole che è l’amante

L’asciutta tutte ‘e llacreme!

Perciò nun more…

…E Canta!