L’AMMORE MIO (Eduardo Scarpetta)

(¯`*•.¸Momenti di VITA¸.•*´¯)
https://www.facebook.com/groups/227092510835355/

L’AMMORE MIO

(Eduardo Scarpetta)

Quanno me staje vicino, chisto core

me sbatte forte forte int’a lo pietto,

vurria co ttico stare ntutte l’ore

pe me turnà la pace e l’arricietto!...

Quanno me si luntana, oh, che dolore,

non mangio chiù, non dormo int’a lo lietto.

Pe te surtanto io sento tant’ammore,

e no remmerio tu quanno nce mietto?

Viene, bellezza mia, non cchiù tardare,

viene na vota, assai t’aggio aspettato.

A te lo musso mio voglio accostare,

schitto accussì me sento conzolato;

viene, via mò, non farme spantecare...

Oh, arciula mia de vino prelibato!