TIEMPE BELLE 'E 'NA VOTA . . .

(¯`*•.¸Momenti di VITA¸.•*´¯)
TIEMPE BELLE 'E 'NA VOTA . . .

Na vota nce steve ‘a televisione,
‘o tiempo, pare, nun passava mai,
ma era bello ‘o stesso, assai assai,
ce steve, sempe, qualche cosa ‘a fa.
‘E ffemmene? Cresceveno ‘e criature,
a lavà ‘e panne, dint’’a nu bacile,
ll’acqua se pigliava int’’o curtile
e sciacqua, strigne e stienne… che vuo fa.
‘O pane se faceva dint’’a casa,
ce steve sempe ‘o furno ’e qualche amico,
chillo profumo ‘o sento e nun ve dico
io che facesse p’’o turnà a mangià!
Ll’ommo che faceva? Faticava,
in proprio, ‘o contadino, ‘o manovale,
ce steve chi cresceva nu maiale,
tutt’’a famiglia steve, po’, a sfamà!
Pecchè allà ce asceveno ‘e sasicce,
‘o llardo, ‘o pere ‘e puorco, ‘e custatelle,
me pare d’’e verè int’’a tiella,
niente a che verè cu chelle ‘e mò!
‘A sera, ‘e figli s’erano addurmute
e si c’era rimasta ‘o ppoco ‘e forza:
-“ Nannì, ‘o ssai ca te mangiasse a morze!
Che dici? - Totò, fa comme vuò tu!”-
Ecco pecchè ‘e famiglie numerose,
‘a sera se passava dint’’o lietto,
bastava na manella ncopp’’o pietto
e steve p’arrivà n’ato bebè!
Mò, invece, c’è lo stress, l’emicrania…,
‘e film ncopp’’a Sky On Demand,
allora, mò, ve faccio na domanda:
era meglio primma o meglio mò?
https://www.facebook.com/groups/227092510835355/